Pagsulat

BAGO KO PO SIMULAN ANG POST NA ITO AY HUMIHINGI LANG PO AKO NG KAUNTING TULONG SA INYO, AKING MGA FELLOW BLOGGER, NA IBOTO PO AKO SA CHORVA BLOG AWARDS. NARITO PO ANG LINK: http://chorvacheorvamus.blogspot.com/ AKO PO KASI AY NOMINADO. NASA SIDEBAR LANG PO NG NASABING BLOG ANG POLL, AT NAROON PO ANG PAMAGAT NG AKING BLOG: ANG BUHAY AY PARANG SINE. SA MGA BUMOTO NA, MARAMING MARAMING SALAMAT PO. AT SA MGA HINDI PA NAKAKABOTO, BUMOTO NA PO KAYO! MARAMING MARAMING SALAMAT PO.

Ano nga ba ang pagsusulat para sa akin? Kung ako'y inyong tatanungin, marami akong maaring kahulugan na ibigay ng pagsusulat. Na ang pagsusulat ay isang hobby... Na ang pagsusulat ay ang panandaliang pagtakas sa realidad. Na ang pagsusulat ay ang sumasalamin sa ating pagkatao... sa ating kaluluwa... sa ating buhay at sa ating mapaglarong isipan.

Bata pa lang ako, hilig ko na ang pagsusulat. Isang umaga, alas-singko ng umaga sa aking pagkakatanda, ay pinasok ko ang isang lumang kuwarto na siyang imbakan ng aking mga kuwaderno at kung anu-anu pang papel na ang laman ay ang aking mga sinulat na tula, kuwento at ng aking mga nadarama. Naisip ko na.. "Aba, nag-improve na pala ako sa aking pagsusulat".

Gusto ko maging katulad ni William Shakespeare, ni Bob Ong, ni Emily Dickinson at ni Rainer Maria Rilke... ngunit, kailangan kong gumising sa isang realidad na hindi ako magaling magsulat. Ngunit pinipilit kong magpakahusay, dahil ito ang aking pangarap. Ang pagsusulat, para sa isang katulad ko, ay hindi lamang isang simpleng hobby o isang eskapo sa tunay na buhay... ngunit ang pagsusulat ay aking buhay.

Ito ang nagpapalakas sa akin. Ito ang nagpapawala ng aking mga suliranin. Ito ang lahat-lahat para sa akin. Mapa-blog man yan o old school, wala na sa akin iyon... basta ako'y makapagsulat lamang. Iniisip ko, kung gagaling ako, anung mapapala ko? Sisikat? Bibigyan ng parangal?

Ngunit sa aking bawat sinusulat, isa lamang ang aking pakay - ang makapagpabago ng buhay ng ilan na sumusubaybay sa bawat artikulong sinusulat ko, mapa-Ingles man o Tagalog. Marami na akong nakikilala na buhay na 'din nila ang pagsusulat, at natutuwa ako sa kanila dahil marami 'din palang nakakaintindi ng aking hilig.

Natutuwa din ako, sapagkat, ang aking mga magulang, kapamilya at aking mga kaibigan ay nauunawaan ang pagkahumaling ko sa isang mundong punung-puno ng letra, tagumpay at pagkabigo.

Pagsulat... ito na ang aking buhay. Pagsulat... hindi ako mabubuhay ng wala ka.